रिते आभाळ घागर
करू पाहतो पाऊस ,
ये ना भीज माझ्यासवे
नको एकटी जाऊस.
.
............... सांजवेळ तुझी माझी
............... भिजू देत पावसात
............... आता तुझे माझे गीत
............... पोचू देत आभाळात
.
साऱ्या साऱ्या भिजवावे
हीच पावसाची रीत
क्षणभर तो हि थांबे
तुझे ऐकण्यास गीत
.
............... देहभान विसरून
............... दे गं पावसाला गाणे
............... वेडा विसरून आला
............... त्याचे ढगात रहाणे
.
का गं बिचाऱ्या छळशी
त्याला आवरेना रडू
ओल्या ओल्या पावसाला
नको सुका सुका धाडू
.
............... सखे जाऊ नको अशी
............... बघ आभाळ सुकेल
............... ' तू ' हि नाही ' तो' हि नाही
............... कशी कविता सुचेल ?
;;;;;;;;;;;;;;;;;;;;;;;;; अतुल राणे ;;;;;;;;;;;;;;;;;;;;;;;;;;;;
वाह रे अतुल! त्या टायटल ची तहान पण भागाव की (नुसत् 'पाउस' काय)
ReplyDeleteमस्त... पावसाचे गाणे ... अन आर्जव सखीचे ..!!!
ReplyDeleteNice..... :)
ReplyDelete